काठमाडौं । नेपाल क्रेडिट एन्ड कमर्स (एनसीसी) बैंक लिमिटेडले चालू आर्थिक वर्षको तेस्रो त्रैमास अर्थात चैत मसान्तसम्मा १ अर्ब १६ करोड ४० लाख  खुँद मुनाफा कमाएको छ । यो बैंकको यस्तो नाफा गत आवको सोही अवधिसम्ममा ८८ करोड ८० लाख रुपैयाँ थियो ।

यो बैंककले चालू आवको पछिल्लो त्रैमासमा कमाएको नाफा भने ४३ करोड ५३ लाख ४३ हजार छ । यो बैंकले यो अवधिसम्म कमाएको नाफा अघिल्लोवर्षको सोही अवधिसम्मको तुलनामा २७ करोड ६० लाख रुपैयाँले नाफा बढेको छ । 

यो बैंकको व्याज आम्दानी चालू आवको पछिल्लो त्रैमासमा १ अर्ब ९९ करोड रुपैयाँ छ । यस्तो आम्दानीमा व्याज वापतको खर्च १ अर्ब २१ करोड रहेको छ भने खुँद व्याज आम्दानी ७८ करोड ५० लाख रहेको पनि उल्लेख छ ।

यो बैंकले यो अवधिसम्ममा ६१ अर्ब ४५ करोड रुपैयाँ खुँद निक्षेप संकलन गरेर ५६ अर्ब ८० करोड रुपैयाँको कर्जा प्रवाह गरेको छ । यसको पुँजीकोष १४.८४ प्रतिशत, खराब खर्ब अनुपात ३.२६ प्रतिशत, सीडी रेसियो ७६.६१ प्रतिशत छ ।

 बार्षिक औषत व्याजदर ३.१७ प्रतिशत रहेको छ ।यसको प्रतिशेयर अम्दानी २४ रुपैयाँ २७ पैसा रहेको छ भने प्रतिशेयर नेटवर्थ १७४ रुपैयाँ ६६ पैसा रहेको पनि उल्लेख छ ।