सिभिल बैंक लिमिटेड (Civil Bank Ltd.) ले तेस्रो त्रैमासमा खुद मुनाफा ४९ करोड ३८ लाख रुपैयाँ कमाएको छ, जुन गत वर्षको सोहिअवधिको तुलनाभन्दा ४७ दशमलव २० प्रतिशतले बढेको हो । अघिल्लो वर्षको सोही अवधिमा बैंकले नाफा ३३ करोड ५५ लाख रुपैयाँ कमाएको थियो ।

 ८ अर्ब ३३ लाख रुपैयाँ चुक्ता पूँजी भएको बैंकले जगेडाकोषमा १ अर्ब ६३ करोड ९९ लाख रुपैयाँ राखेको छ । 

बैंकले निक्षेपमा ३९ अर्ब ९२ करोड ७९ लाख रुपैयाँको संकलन गरी कर्जा ४१ अर्ब ४१ करोड २० लाख रुपैयाँ पुर्याएको छ । जसले कर्जामा ७ दशमलव ८९ प्रतिशतले वृद्धि गरेको हो । 

बैंकको खुद व्याज आम्दानीमा ७० दशमलव २३ प्रतिशतले बढेर १ अर्ब ५७ करोड ३६ लाख रुपैयाँ पुगेको छ । त्यस्तै संचालन मुनाफ २८ दशमलव १४ प्रतिशतले बढेर ७६ करोड ५७ लाख रुपैयाँ पुगेको छ ।  

बैंकको प्रति शेयर आम्दानी ६ दशमलव १७ रुपैयाँ, मूल्य आम्दानी २५ दशमलव ९३ गुणा, प्रति शेयर नेटवर्थ १ सय २५ दशमलव ०१ रुपैयाँ र तरलता अनुपात २५ दशमलव ४२ प्रतिशत रहेको छ ।

बैंकको निष्कृय कर्जा ३ दशमलव ९६ प्रतिशत र जोखिम युत्त सम्पति १८ दशमलव ८२ प्रतिशत रहेको छ ।