देवः विकास बैंक लिमिटेड (Deva Bikas Bank Ltd.) ले तेस्रो त्रैमासमा खुद मुनाफा २५ करोड ५२ लाख रुपैयाँ कमाएको छ । जुन गत वर्षको सोहिअवधिको तुलनाभन्दा २६ दशमलव १५ प्रतिशतले वृद्धि गरको हो । अघिल्लो वर्षको सोहिअवधिमा नाफा २० करोड २३ लाख रुपैयाँ कमाएको थियो ।

२ अर्ब ५३ करोड ३६ लाख रुपैयाँ चुक्ता पुँजी भएको बैंकले जगेडाकोषमा ७३ करोड ३२ लाख रुपैयाँ छुटाएको छ । जसले निक्षेपमा १७ अर्ब ९२ करोड ५६ लाख रुपैयाँ संकलन गरि कर्जामा १६ अर्ब ९४ करोड ९९ लाख रुपैयाँ लगानी गरेको छ । कर्जामा ३३ दशमलव ३३ प्रतिशतले वृद्धि गरी लगानी गरेको छ ।

बैंकको खुद व्याज आम्दानी २७ दशमलव ५९ प्रतिशतले बढेर ६१ करोड ५८ लाख रुपैयाँ र संचालन मुनाफा २५ दशमलव ३९ प्रतिशतले बढेर ४० करोड ८ लाख रुपैयाँ पुगेको छ । बैंकले प्रोभिजनमा ४ करोड ७० लाख रुपैयाँ राखेको छ । 

बैकको निष्कृय कर्जा १ दशमलव ६६ प्रतिशत, जोखिम युक्त सम्पत्ति १५ दशमलव ६५ प्रतिशत, प्रतिशेयर आम्दानी वार्षिक १३ दशमलव ४३ रुपैयाँ, मुल्य आम्दानी अनुपात ९ दशमलव ५३ गुणा, प्रतिशेयर नेटवर्थ १२८ दशमलव ९४ रुपैयाँ र तरलता अनुपात २२ दशमलव २२ प्रतिशत रहेको छ ।