एनएमबि सुलभ इन्भेष्मेन्ट फण्ड–१ को खुद सम्पतिको मुल्य वैशाख महिनामा १२ दशमलव ०८ प्रति इकाई रहेको छ जबकी अघिल्लो महिना चैत्रको अवधि भन्दा शुन्य दशमलव ५५ प्रति इकाईले बढी हो । गत चैत्र महिनामा ११ दशमलव ५३ प्रति इकाई रहेको थियो ।

एनएमबि सुलभ इन्भेष्मेन्ट फण्ड–१ ले ४४ करोड ४० लाख रुपैयाँ शेयर लगानी गरेको छ । अघिल्लो महिनामा ४० करोड ९२ लाख रुपैयाँ शेयर लगानी गरेको थियो । ऋणपत्रमा १७ करोड ४० लाख रुपैयाँ लगानी गरेको छ ।

एनएमबि सुलभ इन्भेष्मेन्ट फण्ड–१ को आम्दानीमा ९ करोड ६२ लाख रुपैयाँ आर्जन गरेको छ । भने अघिल्लो महिनामा ५ करोड २७ लाख रुपैयाँ आम्दानी गरेको थियो । त्यस्तै खर्चमा १३ दशमलव ३३ प्रतिशतले बढेर १ करोड ७८ लाख रुपैयाँ पुगको छ भने अघिल्लो महिनामा १ करोड ५८ लाख रुपैयाँ रहेको थियो ।

सुचिकृत धितोपत्रमा भएको लगानी मध्येमा वाणिज्य बैंकमा सबैभन्दा बढी प्राइम कमर्सियल बैंकको ४० हजार १ सय २६ कित्ता, डेभलपमेण्ड बैंकमा सबैभन्दा बढी गरिमा विकास बैंकको २४ हजार ४ सय ७० कित्ता, हाइड्रोपावरमा सबैभन्दा बढी युनिर्भसल पावर कम्पनीको ४८ हजार २ सय ११ कित्ता शेयर रहेको छ ।

त्यस्तै जीवन बीमा कम्पनीमा सबैभन्दा बढी प्राइम लाइफ इन्स्योरेन्स कम्पनीको १५ हजार ७ सय २६ कित्ता, निर्जीवन बीमा कम्पनीमा हिमालयन जनरल इन्स्योरेन्सको १८ हजार २१९ कित्ता र लघुवित्तमा सबैभन्दा बढी डिप्रोक्स लघुवित्त विकास बैंकको १५ हजार १ सय ५९ कित्ता र होटलमा सोल्टी होटलमा १२ हजार ६ सय ५० कित्ता शेयर रहेका छन् ।