वोमी लघुवित्तको स्थगित साधारण सभा असार १९ गते हुने

आर्थिकन्यूज
विहीबार, ०४ असार २०७७

काठमाडौं । वोमी लघुवित्त वित्तीय संस्थाको स्थगित आठौं वार्षिक साधारण सभा असार १९ गते हुने भएको छ । कम्पनीले काभ्रे जिल्लाको बनेपा नगरपालिका– १४ साँगास्थित कम्पनीको केन्द्रीय कार्यलयमा साधारण सभा गर्न लागेको हो । यस अघि गत चैत १६ गतेका लागि तय भएको उक्त सभा कोरोना संक्रमणका कारण रोकिएको थियो ।

सभामा कम्पनीले २५ प्रतिशत बोनस शेयर र १ दशमलव ३१६ प्रतिशत नगद लाभांश प्रस्ताव पारित गर्नेछ । उक्त लाभांश र साधारण सभा प्रयोजनको लागि कम्पनीले गत फागुन ३० गते देखि चैत १६ गतेसम्म बन्द गरेको छ ।