काठमाडौं । सोमवारदेखि तीन लघुवित्त वित्तीय संस्था एक भएर कारोबार सुरु गर्ने भएका छन् । एनआरएन लघुवित्त वित्तीय संस्थाले किसान माइक्रोफाइनान्स र दिव्य लघुवित्त लघुवित्त वित्तीय संस्थालाई गाभेर एकिकृत कारोबार सुरु गर्ने भएको हो । 

हालसम्म सर्वसाधारणका लागि शेयर जारी नगरेको यस कम्पनीले यस अघि क्रियटिभ र रामारोशन लघुवित्तलाई गाभेर एकिकृत गत वर्षको भदौं देखि सुरु गरेको थियो । विक्रम सम्वत् २०७५ साल फागुन ३ गतेदेखि कारोबार सुरु गरेको यस कम्पनीले छोटो अवधिमै चार कम्पनीलाई आफुमा गाभ्ने तयारी गरेको हो ।

हाल  १० करोड रुपैयाँ चुक्तापूँजी रहेको यस कम्पनीले देशभरका १३० शाका कार्यालयहरुबाट १ लाखभन्दा बढी सदस्यहरुलाई सेवा प्रदान गरिरहेको छ ।