बैंकिङ कसुर मुद्दाका फरार अभियुक्त भक्तपुरबाट पक्राउ

आर्थिकन्यूज
मंगलबार, ०६ साउन २०७७

भक्तपुर । बैंकिङ कसुर मुद्दाका फरार अभियुक्त मधुराम प्रधानाङ्गलाई सोमबार प्रहरीले पक्राउ गरेको छ ।

भक्तपुर नगरपालिका–५ घर भई हाल सूर्यबिनायक नगरपालिका–५ सल्लाघारी बस्ने ५८ वर्षीय प्रधानाङ्गलाई जिल्ला अदालत भक्तपुरको २०७६ माघ २७ गतेको फैसलाले बैंकिङ कसुर मुद्दामा ५ दिन कैद र ६ लाख ९६ हजार १ सय रुपैयाँ जरिवाना सजाय ठहर भई फरार रहेका उनलाई महानगरीय प्रहरी परिसर भक्तपुरबाट खटिएको प्रहरीले पक्राउ गरेको हो ।

प्रधानाङ्गलाई फैसला कार्यान्वयनको लागि जिल्ला अदालत भक्तपुरमा पेश गरेकोमा केन्द्रीय कारागार जगन्नाथदेवल सुन्धारा काठमाडौं पठाइएको उक्त परिसरले जनाएको छ ।