एनसीसी बैंककोे सीइओमा फेरि अर्याल नै

आर्थिकन्यूज
विहीबार, २२ साउन २०७७

काठमाडौं । एनसीसी बैंकको प्रमुखकार्यकारी अधिकृत (सीइओ) मा रमेशराज अर्यालको कार्यकाल थप भएको छ ।

आगामी असोज १ गते उनको पहिलो कार्यकाल सकिंदै थियो । साउन १९ गते बसेको सञ्चालक समिति बैठकले अर्याललाई फेरि अर्काे ४ वर्षका लागि सीइओमा निरन्तरता दिने निर्णय गरेको हो । अर्याल २०७३ असोज १ गते एनसीसी बैंकको सीइओमा नियुक्त भएका थिए ।

उनी सोही बैंकमा विगत २४ वर्षदेखि कार्यरत छन् ।