नयाँ नेपाल लघुवित्तको २० प्रतिशत बोनस सोमवारदेखि कारोबार गर्न सकिने

आर्थिकन्यूज
सोमबार, २६ साउन २०७७

काठमाडौं । नयाँ नेपाल लघुवित्तको २० प्रतिशत बोनस शेयर धितोपत्र दोस्रो बजारमा सोमवारदेखि कारोबार गर्न सकिने भएको छ ।

कम्पनीले साउन २५ गते आइतवार धितोपत्र दोस्रो बजारमा उक्त बोनस वापतको शेयर सूचीकृत गराएसँगै सोमवारदेखि कारोबार गर्न सकिने भएको हो ।

कम्पनीले बोनस वापतको १ लाख ६८ हजार कित्ता बोनस शेयर सूचीकृत गराएको हो । कम्पनीले गत पुस १९ गते सम्पन्न ११ औं वार्षिक साधारण सभाले २० प्रतिशत बोनस शेयर पारित गरेको थियो ।

बोनस शेयर थपिएसँगै धितोपत्र बजारमा यस कम्पनीको १० लाख ८ हजार कित्ता कारोबार योग्य भएको छ ।