प्राइम कमर्सियलले कन्काइ विकास बैंक किन्ने

आर्थिकन्यूज
बुधबार, २२ जेठ २०७६

काठमाडौं । प्राइम कमर्सियल बैंकले “ख” वर्गको कन्काई विकास बैंक लिमिटेडलाई प्राप्ति – (एक्विजिसन) गर्ने भएको छ । बुधबार प्राप्ति सम्वन्धी सहमतिपत्रमा हस्ताक्षर भएको छ ।

प्राइम कमर्सियल बैंकका तर्फबाट सञ्चालक समितिका अध्यक्ष उदयमोहन श्रेष्ठ र कन्काई विकास बैंक लिमिटेडका तर्फबाट सञ्चालक समितिका अध्यक्ष सेवक दाहालले प्राप्तिको सम्बन्धीपत्रमा हस्ताक्षर गरेका थिए । कन्काई विकास बैंक लिमिटेडका ग्रामीण क्षेत्रमा शाखा संजालहरु रहेका छन । प्राप्ति पश्चात प्राइम कमर्सियल बैंकको कुल शाखा संख्या ८९ हुनेछ ।