प्रतिफलका लागि सनराइज फष्टले बुक क्लोज गर्दै

आर्थिकन्यूज
आइतबार, ०४ असोज २०७७

काठमाडौं । सन्राइज फस्र्ट म्युचुअल फण्डले ७ प्रतिशत नगद लाभांशका लागि असोज ११ गते एक दिन बुक क्लोज गर्ने भएको छ ।

सन्राइज क्यापिटल लिमिटेडको व्यवस्थापनमा सञ्चालित यस योजनाले आर्थिक वर्ष २०७६/७७ को लागि उक्त प्रतिफल दिने निर्णय गरेको हो ।

यो निर्णय योजना व्यवस्थापक सन्राइज क्यापिटल लिमिटेडको भदौ २५ गतेको सञ्चालक समितिको बैठकले गरेको हो । बुक क्लोजको आधारमा नगद लाभांश प्राप्त गर्न असोज ८ गते बिहीवारसम्म इकाई कायम राख्नुपर्नेछ । यस योजनाले ८ करोड ६० लाख इकाई विक्री गरेको हो ।