२० लाख जरिवाना ठहर भएर फरार रहेका बैंकिङ कसुरका अभियुक्त पक्राउ

आर्थिकन्यूज
आइतबार, २५ असोज २०७७

काठमाडौं । सुनसरी, बैंकिङ कसुर मुद्दाका फरार प्रतिवादी ईटहरी उपमहानगरपालिका–८ भोजपुरे टोल बस्ने ४२ वर्षीय सरोज वुढाथोकीलाई शनिबार प्रहरीले पक्राउ गरेको छ ।

उच्च अदालत विराटनगरबाट बैंकिङ कसुर मुद्दामा २० लाख रुपैयाँ जरिवाना ठहर भई फरार रहेका उनलाई ईलाका प्रहरी कार्यालय ईटहरीबाट खटिएको प्रहरीले ईटहरी उपमहानगरपालिका– ६ पश्चिम स्टेण्डमा लुकिछिपी हिँडिरहेको अवस्थामा फेला पारी पक्राउ गरेको हो । उनलाई जिल्ला अदालत सुनसरीमा दाखिला गरीएको जिल्ला प्रहरी कार्यालय सुनसरीले जनाएको छ ।