छिमेक लघुवित्तको २९ प्रतिशत लाभांश प्रस्ताव

आर्थिकन्यूज
विहीबार, १८ मंसिर २०७७

काठमाडौं । छिमेक लघुवित्त वित्तीय संस्था लिमिटेडले २९ प्रतिशत लाभांश प्रस्ताव गरेको छ । कम्पनीको मंसिर १७ गतेको सञ्चालक समितिको बैठकले २२ प्रतिशत बोनस शेयर कर प्रयोजन समेतका लागि ७ प्रतिशत नगद लाभांश प्रस्ताव गरेको हो ।

कम्पनीले आर्थिक वर्ष २०७६÷७७ को लागि हाल कायम चुक्तापूँजी १ अर्ब ५० करोड रुपैयाँ आधारमा उक्त लाभाश वितरण गर्ने निर्णय गरेको हो । यो लाभांश नेपाल राष्ट्र बैंकले स्वीकृत गरेपश्चात कम्पनीको आगामी साधारण सभाले पारित गरेपछि वितरण हुनेछ ।