ग्लोबल आइएमई लघुवित्तले २८.९२ प्रतिशत लाभांश दिने

आर्थिकन्यूज
सोमबार, २९ मंसिर २०७७

काठमाडौं । ग्लोबल आइएमई लघुवित्त वित्तीय संस्थाले यस वर्ष कुल २८ दशमलव ९२ प्रतिशत लाभांश दिने भएको छ । कम्पनीको मंसिर २८ गतेको सञ्चालक समितिको बैठकले हाल कायम चुक्तपूँजीको आधारमा २७ दशमलव ४७ प्रतिशत बोनस शेयर र कर प्रयोजनका लागि १ दशमलव ४५ प्रतिशत नगद लाभांश दिने निर्णय गरेको हो ।

हाल कम्पनीको चुक्तापूँजी २५ करोड ९५ लाख ७५ हजार रुपैयाँ रहेको छ । सोही पूँजीको आधारमा आर्थिक वर्ष ०७६/७७ को मुनाफाबाट कम्पनीले लाभांश वितरण गर्न लागेको हो । यो लाभांश नेपाल राष्ट्र बैंकको स्वीकृति पश्चात आगामी साधारण सभाबाट पारित भएपछि मात्र वितरण योग्य हुनेछ ।