अन्ततः सनराइज बैंकका सीईओ शर्माले दिए राजीनामा

आर्थिकन्यूज
मंगलबार, २७ माघ २०७७

काठमाडौं । पुर्व अर्थमन्त्री डा. युवराज खतिवडाको आडमा जागिर खाइरहेका सनराइज बैंकका प्रमुख कार्यकारी अधिकृत जनक शर्मा पौड्यालले पदबाट राजीनामा दिएका छन् । नियुक्ती कै दिनदेखि विवादमा आएका पौडेलले केहि महिना अघि नै सञ्चालक समितिमा बुझाएको राजिनामा समितिका अध्यक्षले नै रोकेका थिए ।

उनलाई टिकाउन तत्कालिन अर्थमन्त्री पुत्र तिलकराज खतिवडा समेत लागेका थिए । तिलक सोहि बैंकका कर्मचारी हुन भने अध्यक्ष मोतिलाल दुगडलाई सिईओ पौडेलको जागिर बचाउन बाह्य दबाब परेको चर्चा चल्दै आएको थियो ।

बैंकको सीईओ नियुक्ति केहि महिनापछि नै बैंक सञ्चालक बीचमा विवाद भएपछि उनले राजीनामा दिइएका थिए । तर, उक्त राजीनामा बैंक सञ्चाकल समितिका अध्यक्षका कारण स्वीकृत नभएपछि उनी नियुक्त भएको १९ महिनापछि राजीनामा दिएका हुन् । उनी २०७६ असार २९ गते ४ वर्षे कार्यकालका लागि सीइओमा नियुक्त भएका थिए ।

उनलाई संरक्षण गर्दै आएका पुर्व अर्थमन्त्री खतिवडा अमेरिका तर्फ प्रस्थान गरेलगतै पौडेलको राजिनामा आउनुलाई वित्तिय क्षेत्रमा अर्थपुर्ण रुपमा विश्लेषण गरिएको छ ।