सिन्धु विकास बैंकले यस वर्ष लाभांश नदिने

आर्थिकन्यूज
शुक्रबार, ०७ फागुन २०७७

काठमाडौं । सिन्धु विकास बैंकले यस वर्ष शेयरधनीहरुको हात खाली बनाउने भएको छ । कम्पनीले नेपाल स्टक एक्सचेञ्ज (नेप्से) मार्फत सुचना जारी गर्दै यस वर्षको लागि कुनै पनि लाभांश प्रस्ताव नगरेको जानकारी दिएको हो ।

गत आर्थिक वर्ष ०७६/७७ को वार्षिक प्रतिवेदन सञ्चालक समितिले पास गरी नेपाल राष्ट्र बैंकमा थप स्वीकृतिका लागि पेश गर्ने निर्णय कम्पनीको फागुन ६ गतेको सञ्चालक समितिको बैठकले गरेको छ ।

यस कम्पनीले अघिल्लो आर्थिक वर्ष ०७५/७६ को सञ्चित मुनाफबाट भने ११ दशमलव ४९ प्रतिशत बोनस शेयर र कर प्रयोजनका लागि शून्य दशमलव ६० प्रतिशत नगद लाभांश दिएको थियो ।