गुँरास लघुवित्त वित्तीय संस्था लिमिटेड (Gurans Laghubitta Bittiya Sanstha Ltd.) ले तेस्रो त्रैमासमा खुद मुनाफा ६९ लाख रुपैयाँ कमाएको छ । अघिल्लो वर्षको सोहिअवधिमा नाफा २० लाख रुपैयाँ नोक्सान रहेको थियो । 

५ करोड २५ लाख रुपैयाँ चुक्ता पुँजी भएको गुराँस लघुवित्तको जगेडाकोषमा ५२ लाख रुपैयाँ छुटाएको छ । 

गुराँस लघुवित्त वित्तीयले निक्षेपमा ९ करोड ५ लाख रुपैयाँ संकलन गरेको छ भने कर्जामा ६१ करोड ३६ लाख रुपैयाँ लगानी गरेको छ । अघिल्लो वर्षको सोहिअवधिको तुलनामा ६५ प्रतिशतले वृद्धि गरेको छ ।

जसले खुद व्याज आम्दानीमा ९० दशमलव ९० प्रतिशतले बढेर २ करोड १७ लाख रुपैयाँ पुगेको छ भने संचालन मुनाफा ९० लाख रुपैयाँ पुगेको छ । अघिल्लो वर्ष संचालन मुनाफा २० लाख रुपैयाँ नोक्सानमा रहेको थियो ।

गुराँस लघुवित्तको जोखिम युक्त सम्पत्ति ९ दशमलव २२ प्रतिशत र निष्कृय कर्जा ३ दशमलव ४९ प्रतिशत रहेको छ ।