शाइन रेसुङ्गा डेभलपमेण्ट बैंकको १३ लाखभन्दा बढी संस्थापक शेयर सर्वसाधारणमा परिणत

आर्थिकन्यूज
शुक्रबार, १४ जेठ २०७८

काठमाडौं । शाइन रेसुङ्गा डेभलपमेण्ट बैंकको १३ लाख १२ हजार ५४९ कित्ता संस्थापक शेयर सर्वसाधारणमा परिणत भएको छ । कम्पनीले शेयर संरचना परिवर्तन गर्दै संस्थापक तर्फको उक्त शेयर सर्वसाधारणमा परिणत गरेको हो ।

शेयर संरचना परिवर्तन भएपछि कम्पनीको संस्थापकतर्फ ५१ प्रतिशत र सर्वसाधारण तर्फ ४९ प्रतिशत स्वामित्व कायम भएको छ । हाल कम्पनीको चुक्तापूँजी रू. ३ अर्ब ४० करोड ८४ लाख ६३ हजार रहेको छ ।