उदयपुरमा नबिल बैंकको एटीएम तोडफोड गर्ने एक पक्राउ

आर्थिकन्यूज
मंगलबार, २५ जेठ २०७८

उदयपुर । उदयपुरको त्रियुगा नगरपालिका वडा नंन ११ गाइघाटमा नबिल बैंकको एटीएम मेसिन तोडफोड गरिरहेको अवस्थामा प्रहरीले एक जनालाई पक्राउ गरेको छ । पक्राउ पर्नेमा भारत मधुवनी ग्राम पञ्चायत लौकाहा घर भई हाल त्रियुगा नगरपालिका–३ बस्ने १८ वर्षीय किशोर रहेका छन् ।

जिल्ला प्रहरी कार्यालय उदयपुरका अनुसार ती किशोरलाई एटीएम मेसिन तोडफोड गर्दैगर्दा सोमबार राति प्रहरीले पक्राउ गरेको हो । पक्राउ परेको किशोरमाथी थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।