नबिल बैंकको स्वामित्वमा रहेको स्वावलम्बन लघुवित्तको संस्थापक शेयर आजदेखि लिलामीमा

आर्थिकन्यूज
आइतबार, ०६ असार २०७८

काठमाडौं । स्वावलम्बन लघुवित्त वित्तीय संस्था लिमिटेडको १ लाख ९० हजार ६५३ कित्ता संस्थापक शेयर असार ६ गते (आज) देखि लिलामीमा आएको छ । नबिल बैंकको स्वामित्वमा रहेको उक्त शेयर कम्पनीले असार १५ गतेसम्म गोप्य शिलबन्दी बोलपत्र पेश गर्न सकिने गरी लिलामीमा ल्याएको हो ।

प्रतिकित्ता न्यूनतम मूल्य रू. ७५० तोकिएको यो शेयर खरिदका लागि तोकिएको मूल्य वा सोभन्दा बढी मूल्य अंकित गरी बोलकबोल गर्न सकिनेछ । बोलकबोल गर्दा न्यूनतम १ हजार कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । यो शेयर विक्री प्रबन्धकमा नबिल इन्भेष्टमेण्ट बैंकिङ्ग लिमिटेड रहेको छ ।