काठमाडौं । नेपाल स्टक एक्सचेञ्ज (नेप्से) ले आइतवार एनआईसी एशिया ब्यालेन्सड् फण्ड र एनआईसी एशिया ग्रोथ फण्डको इकाई मूल्य समायोजन गरेको छ । दुबै योजनाले प्रस्ताव गरेको प्रतिफल प्रयोजनका लागि नेप्सेले इकाईमूल्य समायोजन गरेको हो ।  एनआईसी एशिया क्यापिटलको व्यवस्थापनमा सञ्चालित यी योजनाहरुले आर्थिक वर्ष ०७७÷७८ को मुनाफाबाट एउटै अनुपातमा कर सहित ३० प्रतिशत लाभांश वितरण गर्न लागेका हुन । 

लाभांश प्रयोजनका लागि भदौ २७ गते बुक क्लोज गरेकाले नेप्सेले बुक क्लोज पछिको मूल्य तोकेको हो । नेप्सेले एनआईसी एशिया ब्यालेन्सड् फण्डको बिहीवार कायम अन्तिम इकाईमूल्य रू. १४ दशमलव २७ को आधारमा ३० प्रतिशत नगद लाभांशपछिको मूल्य रू. ११ दशमलव २७ तोकेको हो ।

 त्यस्तै एनआईसी एशिया ग्रोथ फण्डको बिहीवार कायम अन्तिम इकाईमूल्य रू. १५ दशमलव २२ को आधारमा ३० प्रतिशत नगद लाभांशपछिको मूल्य नेप्सेले रू. १२ दशमलव २२ तोकेको छ । आइतवार समायोजन मूल्यको आधारमा यी दुबै योजनाको कारोबार खुला हुनेछ । बुक क्लोजको आधारमा भदौ २४ गतेसम्म कायम इकाईधनीहरु मात्र प्रतिफल प्राप्त गर्न योग्य भएका छन् ।