काठमाडौं । फर्स्ट माइक्रोफाइनान्स लिमिटेडले चालु आर्थिक बर्षको पहिलो त्रैमासमा २ करोड ९६ लाख ४८ हजार रुपैयाँ खुद नाफा गरेको छ । गत वर्षको यही अवधिमा संस्थाले  २ करोड ९७ लाख १६ हजार रुपैयाँ खुद नाफा आर्जन गरेको थियो। गत वर्षकोभन्दा यस चालू आवको नाफामा ०.२३ प्रतिशतले गिरावट भएको छ । 

 पहिलो त्रैमाससम्म संस्थाको खुद व्याज आम्दानी पनि ९.१७ प्रतिशतले घटेर ४ करोड ७९ लाख रपैयाँमा सिमित भएको छ । त्यस्तै, संस्थाको अन्य सञ्चालन आम्दानी भने २८० प्रतिशतले बृद्धि भएको संस्थाले प्रकाशित गरेको वित्तीय विवरणमा उल्लेख छ । संस्थाको चुक्ता पुँजी ९६ करोड ४४ लाख रुपैयाँ र जगेडा कोषमा २० करोड ३६ लाख रुपैयाँ रहेको छ ।  संस्थाको बार्षिकृत प्रतिसेयर आम्दानी (ईपीएस) १२ रुपैयाँ ३० पैसा र प्रतिशेयर नेटवर्थ १२१ रुपैयाँ ११ पैसा रहेको छ ।