काठमाडौं । लक्ष्मी बैंकले चालू आर्थिक वर्षको पहिलो त्रैमाससम्म गत वर्षभन्दा ७६ दशमलव ९९ प्रतिशत बढी खुद नाफा गरेको छ । गत वर्ष रू. ३१ करोड २३ लाख ७२ हजार खुद नाफा गरेको बैंकले यस वर्ष रू. ५५ करोड २८ लाख ७० हजार यो नाफा गरेको हो । यस वर्ष बैंकको सञ्चालन नाफा भने ७२ दशमलव ५९ प्रतिशत बढी रू. ७७ करोड ३२ लाख ४ हजार रहेको छ ।

पहिलो त्रैमाससम्म बैंकको वितरणयोग्य नाफा रू. २ अर्ब ३ करोड ३० लाख ७८ हजार रहेको छ । रू. १० अर्ब ६९ करोड ५६ लाख ९० हजार चुक्तापूँजी रहेको यो बैंकको रिटेन्ड अर्निग सहित जगेडा कोष रकम रू. ६ अर्ब ५ करोड ८५ लाख ५६ हजार रहेको छ । बैंकले यस वर्ष गत वर्षभन्दा करिब ३ प्रतिशत बढी रू. १ खर्ब १७ अर्ब ९३ करोड ६६ लाख निक्षेप संकलन गरेको छ भने गत वर्षभन्दा ८ दशमलव २३ प्रतिशत बढी रू. १ खर्ब १४ अर्ब ७४ करोड ६ लाख कर्जा प्रवाह गरेको छ ।

बैंकको निष्क्रिय कर्जा गत वर्ष शून्य दशमलव ९७ प्रतिशत रहेकोमा यस वर्ष घटेर शून्य दशमलव ४९ प्रतिशतमा झरेको छ । प्रतिशेयर आम्दानी रू. २० दशमलव ६८ रहेको बैंकको प्रतिशेयर नेटवर्थ रू. १५६ दशमलव ७४ रहेको छ ।