माछापुच्छ्रे बैंकको १२ हजार कित्ता संस्थापक शेयर विक्रीमा

आर्थिकन्यूज
शुक्रबार, १९ कार्तिक २०७८

काठमाडौं । माछापुच्छ्रे बैंक लिमिटेडले संस्थापक तर्फको १२ हजार कित्ता संस्थापक शेयर विक्रीका लागि ३५ दिने सुचना जारी गरेको छ । बैंकले सरद कुमार नेपालको नाममा रहेको उक्त शेयर विद्यमान संस्थापक शेयरधनीहरुले मात्र खरिद गर्न सकिने गरी लिलामीमा ल्याएको हो ।

तोकिएको अवधिभित्र उक्त शेयर खरिद गर्न इच्छुक संस्थापक शेयरधनीहरुले बैंकको केन्द्रिय कार्यालयको शेयर विभाग, पुतलीसडक, काठमाडौंमा निवेदन दिनुपर्नेछ । तोकिएको अवधिभित्र विद्यमान संस्थापक शेयरधनीहरुबाट आवेदन प्राप्त नभएमा वा शेयर बाँकी रहन गएमा उक्त शेयर अन्य व्यक्ति वा संस्थाहरुमा विक्री गरिने जानकारी समेत बैंकले दिएको छ ।