काठमाडौं । लक्ष्मी भ्यालु फण्ड १ को खुद सम्पतिको मुल्य असार महिनामा ११ दशमलव ५८ प्रति इकाई रहेको छ । जबकी जेठको अवधि भन्दा शुन्य दशमलव ०३ प्रति इकाईले घटेको हो । गत जेठ महिनामा ११ दशमलव ६१ प्रति इकाई रहेको थियो ।

लक्ष्मी भ्यालु फण्ड १ ले २५ करोड ७४ लाख रुपैयाँ शेयर लगानी गरेको छ । अघिल्लो महिनामा २६ करोड २ लाख रुपैयाँ शेयर लगानी गरेको थियो । लक्ष्मी भ्यालु फण्ड १ को आम्दानी ५ करोड २२ लाख रुपैयाँ नोक्सानमा रहेको छ भने खर्च पनि १ करोड १९ लाख रुपैयाँ रहेको छ ।

सुचिकृत धितोपत्रमा भएको लगानी मध्येमा वाणिज्य बैंकमा सबैभन्दा बढी सिभिल बैंक लिमिटको ८७ हजार १ सय कित्ता, डेभलपमेण्ड बैंकमा सबैभन्दा बढी मुक्तिनाथ विकास बैंकको ११ हजार ७ सय ३७ कित्ता, हाइड्रोपावरमा सबैभन्दा बढी युनिभर्सल पावर कम्पनीको ३२ हजार १ सय ३२ कित्ता शेयर रहेको छ ।

त्यस्तै जीवन बीमा कम्पनीमा सबैभन्दा बढी नेशनल लाइफ इन्स्योरेन्स कम्पनीको ४२ हजार ५ सय ४७ कित्ता, निर्जीवन बीमा कम्पनीमा प्रिमियर इन्स्योरेन्सको ५९ हजार १ सय ८५ कित्ता र लघुवित्तमा सबैभन्दा बढी डिप्रोक्स लघुवित्त वित्तीय संस्थाको २० हजार ८ सय ६२ कित्ता शेयर रहेका छन् ।