प्रभु बैंकको करिब ५६ हजार कित्ता संस्थापक शेयर विक्रीमा

आर्थिकन्यूज
शुक्रबार, १० असार २०७९

काठमाडौं । प्रभु बैंक लिमिटेडले ५५ हजार ९९३ कित्ता संस्थापक शेयर असार १० गतेदेखि विक्रीमा ल्याएको छ । बैंकले विभिन्न तीन सदस्यहरूको नाममा रहेको उक्त शेयर विद्यमान संस्थापक शेयरधनीहरूले मात्र खरीद गर्न पाउने गरी विक्रीमा ल्याएको हो ।

यो शेयर खरीद गर्न इच्छुक विद्यमान संस्थापक शेयरधनीहरूले आगामी ३५ दिनभित्र बैंकको केन्द्रिय कार्यालय बबरमहल, काठमाडौंमा आवेदन दिनुपर्नेछ ।

तोकिएको अवधिभित्र विद्यमान संस्थापकहरूको आवेदन नपरेमा भने अन्य व्यक्ति तथा संस्थाहरूमा यो शेयर विक्री प्रकृया अघि बढाईने बैंकको भनाई छ ।