एनसीसी बैंकको ६२ हजारभन्दा बढी कित्ता संस्थापक शेयर लिलामीमा

आर्थिकन्यूज
शुक्रबार, १० असार २०७९

काठमाडौं । नेपाल क्रेडिट एण्ड कमर्स (एनसीसी) बैंक लिमिटेडको ६२ हजार ८२ कित्ता संस्थापक शेयर असार १० गतेदेखि लिलामीमा आएको छ । बैंकले विभिन्न चार सदस्यहरूको नाममा रहेको उल्लेखित कित्ता शेयर विद्यमान संस्थापक शेयरधनीहरूले मात्र खरीद गर्न पाउने गरी लिलामीमा ल्याएको हो ।

इच्छुक विद्यमान संस्थापकहरूले आगामी ३५ दिनभित्र बैंकको केन्द्रिय कार्यालय बागबजार, काठमाडौंको शेयर विभागमा लिखित निवेदन दिनुपर्नेछ । तोकिएको अवधिभित्र विद्यमान संस्थापक शेयरधनीहरूबाट आवेदन नपरेमा भने अन्य व्यक्ति तथा संस्थाहरूमा उक्त शेयर विक्री गरिने बैंकको भनाई छ ।