एजेन्सी । भारतका विभिन्न बैंकहरूमा ४८ हजार करोडभन्दा बढी रकम निष्क्रिय अवस्थामा रहेको छ । यो रकममा दावी गर्ने कोही छैन । भारतका आठ राज्यमा सबैभन्दा धेरै दाबी नगरिएको पैसा जम्मा भएको छ । अब भारतीय रिजर्भ बैंक (आरबीआई)ले यस विषयमा अभियान सुरु गरेको छ ।

पीटीआईका अनुसार विभिन्न बैंकमा जम्मा गरिएको दाबी नगरिएको रकम वर्षेनी बढ्दै गएको छ । यो संख्या गत आर्थिक वर्षमा ३९,२६४ करोड रुपैयाँ थियो । जुन आर्थिक वर्ष २०७५ मा ४८,२६२ करोड रुपैयाँ पुगेको छ । अधिकतम पैसा जम्मा भएका बैंकहरुमा आरबीआईले ती आठ राज्यहरूमा अधिकतम ध्यान केन्द्रित गर्न गइरहेको छ । 

केन्द्रीय बैंकको वार्षिक प्रतिवेदन अनुसार दाबी नगरिएको अधिकांश पैसा तमिलनाडु, पञ्जाब, गुजरात, महाराष्ट्र, बंगाल, कर्नाटक, बिहार र तेलंगाना र आन्ध्र प्रदेशका बैंकहरूमा रहेको छ। 

भारतीय रिजर्व बैंकले दाबी नगरिएको निक्षेपको सम्बन्धमा तोकेको नियमको बारेमा कुरा गर्दै, आरबीआईले विगत १० वर्षदेखि कुनै पनि दावीकर्ता अगाडि नआएका खाताहरूको सूची तयार गर्न आदेश दिएको थियो। सबै बैंकहरूले यो सूची आफ्नो वेबसाइटमा अपलोड गर्नुपर्छ। यसमा खातावालाहरूको नाम र ठेगानाहरू पनि समावेश हुनुपर्छ।

यो अभियानको उद्देश्य पनि आरबीआईले बताएको छ । देशभरका बैंकहरूमा जम्मा भएको त्यस्तो दाबी नगरिएको रकमका निक्षेपकर्ता वा मृतक निक्षेपकर्ताका नामांकितरकानुनी उत्तराधिकारीहरू पहिचान गरी दाबी गर्न मद्दत गर्नु रहेको केन्द्रीय बैंकले जनाएको छ ।