कामना सेवा विकास बैंकका ग्राहकले सिद्धार्थ बिज्नेस ग्रुपमा छुट पाउने

आर्थिकन्यूज
आइतबार, १५ साउन २०७९

काठमाडौं । कामना सेवा विकास बैंकका ग्राहकले सिद्धार्थ बिज्नेस ग्रुप अफ हस्पिटालिटीमा छुट पाउने भएका छन् । जसका लागि कामना सेवा विकास बैंक र सिद्धार्थ बिज्नेस ग्रुप अफ हस्पिटालिटी बीच सम्झौता सम्पन्न भएको छ ।

अब बैंकका कर्मचारी तथा ग्राहकहरुले सिद्धार्थ बिज्नेस ग्रुप अन्तर्गतका देश भर फैलिएका विभिन्न होटल, रिसोर्ट, रेस्टुरेन्ट तथा क्याफेहरुमा प्रदान गरिने उत्कृष्ट सेवा सुविधाहरुमा आकर्षक छुट प्राप्त गर्न सक्नेछन् ।

बैंकको ग्राहक भएको कुनै पनि प्रमाण पेश गरी यो सुबिधा सजिलै प्राप्त गर्न सकिनेछ । यस सम्झौताबाट ग्राहकहरुले विशेष लाभ लिने बैंकले विश्वास लिएको छ ।