प्राइम कमर्सियल बैंकले ३७ प्रतिशत नाफा बढायो

आर्थिकन्यूज
विहीबार, ३० साउन २०७६

काठमाडौं । प्राइम कमर्सियल बैंकले गत आर्थिक वर्षमा आफ्नो नाफामा भारी वृद्धि गरेको छ । बैंकले गत आवमा २ अर्ब ३६ करोड रुपैयाँ खुद नाफा गर्दै गरी नाफाको आकार बढाएको हो । बैंकले अघिल्लो वर्षको तुलनामा ३७ प्रतिशतले नाफा बढाएको छ । अघिल्लो वर्ष बैंकले १ अर्ब ७२ करोड रुपैयाँ नाफा गरेको थियो ।
बैंकको गत गत आर्थिक वर्षको वित्तीय विवरणअनुसार बैंकको वितरणयोग्य नाफा भने १ अर्ब ६० करोड रुपैयाँ रहेको छ । प्रतिशेयर आम्दानी २५ रुपैयाँ ३८ पैसा र नेटवर्थ १४५ रुपैयाँ ७२ पैसा रहेको बैंकले बैंकका रिजर्भ फन्डमा २ अर्ब ६० करोड ९४ लाख रुपैयाँ जम्मा गरेको छ ।