एजेन्सी । भारतीय रिजर्व बैंक (आरबीआई) ले केरलाको थोडुपुजा अर्बन को-अपरेटिभ बैंकलाई कडा कारबाही गरेको छ। यसअन्तर्गत ग्राहकलाई आफ्नो खाताबाट पैसा झिक्न प्रतिबन्ध लगाइएको छ । यस सहकारी बैंकको कमजोर आर्थिक अवस्थालाई मध्यनजर गर्दै केन्द्रीय बैंकले यसमा धेरै प्रतिबन्ध लगाएको छ । बुधबार जारी एक विज्ञप्तिमा रिजर्व बैंकले भन्यो,'यो प्रतिबन्ध अगस्ट२३, २०२२ मा व्यापार बन्द भएपछि लागू भएको हो।;

पीटीआईका अनुसार आरबीआईको यो कारबाहीपछि अब यो बैंकले रिजर्व बैंकको स्वीकृतिबिना न नयाँ ऋण दिन सक्छ न नवीकरण गर्न सक्छ । यसबाहेक बैंकमा कुनै पनि प्रकारको लगानी गर्न वा नयाँ निक्षेप लिन पनि रोक लगाइनेछ ।

बैंकको हालको तरलता स्थितिलाई ध्यानमा राख्दै निक्षेपकर्ताको सबै बचत, चालु वा अन्य खाताबाट निकासी गर्न प्रतिबन्ध लगाइएको आरबीआईले जनाएको छ । तर, ग्राहकको खातामा जम्मा भएको रकमबाट ऋण तिर्न सकिनेछ ।

रिजर्भ बैंकले आफ्नो विज्ञप्तिमा यी प्रतिबन्धहरू र कडा निर्देशनहरूको मतलब थोडुपुजा अर्बन को-अपरेटिभ बैंकको इजाजतपत्र खारेज गरिएको होइन भनेर स्पष्ट गरेको छ। उल्लेखनीय छ कि हालै रिजर्भ बैंक अफ इन्डिया ९आरबीआई० ले विभिन्न नियमहरू उल्लङ्घन गरेको आरोपमा ८ सहकारी बैंकहरूलाई कारबाही गरेको थियो।

आरबीआईले अमेरिकन एक्सप्रेस बैंकिङ कर्पोरेशनमा सबै प्रतिबन्ध हटाएको छ। केन्द्रीय बैंकले विज्ञप्ति जारी गर्दै अब कम्पनीको कार्ड नेटवर्कमा नयाँ नयाँ ग्राहक थप्न अनुमति दिएको हो । रिजर्व बैंकले १६ महिनापछि अमेरिकन एक्सप्रेसमाथिको प्रतिबन्ध हटाएको छ । यससँगै कम्पनीले आफूमाथि लगाइएको सबै व्यावसायिक प्रतिबन्धबाट मुक्त भएको छ ।

गत वर्ष २३ अप्रिल २०२१ मा केन्द्रीय बैंकले अमेरिकन एक्सप्रेस बैंकिङ कर्पोरेशनमाथि प्रतिबन्ध लगाएको थियो। आरबीआईका अनुसार अमेरिकन एक्सप्रेसलाई भुक्तानी प्रणाली सङ्कलनसँग सम्बन्धित नियम उल्लंघन गरेको भन्दै कारबाही गरिएको हो ।