आयातमा प्रतिबन्ध लगाएका वस्तुहरुको प्रतितपत्र नखोल्न राष्ट्र बैंकको निर्देशन

आर्थिकन्यूज
विहीबार, १६ भदौ २०७९

काठमाडौं । नेपाल राष्ट्र बैंकले आयातमा प्रतिबन्ध लगाएका वस्तुहरुको प्रतितपत्र नखोल्न बैंकहरुलाई निर्देशन दिएको छ । सरकारले गाडी, मोबाइल, मदिरा र मोटरसाइकल आयातमा प्रतिबन्ध लगाएको छ । राष्ट्र बैंकले एक सूचना जारी गर्दै यी वस्तुरुहको प्रतितपत्र नखोल्न भनेको हो ।

सरकारले गत बैशाख १३ गतेदेखि विभिन्न १० वस्तुको आयात प्रतिबन्ध गरेको थियो । यसमध्ये कुरकुरे, लेज, चुरोट, टीभी, हिरा, तास र खेलौनाको आयात भने खुलाएको छ ।

तर, गाडी, मोटरसाइकल, मोबाइल र मदिराको आयातमा लगाएको प्रतिबन्धलाई निरन्तरता दिने निर्णय गरेको हो । जसको प्रतिबन्ध असोज २८ गतेसम्मलाई लम्ब्याइएको छ ।