नेपाल क्रेडिट एण्ड कमर्सियल बैंकको साधारणसभा स्थगित गर्न निर्देशन

आर्थिकन्यूज
बुधबार, ३० कार्तिक २०७९

काठमाडौं । नेपाल क्रेडिट एण्ड कमर्सियल (एनसीसी)बैंकको साधारणसभा स्थगित गर्न निर्वाचन आयोगले निर्देशन दिएको छ । सिन्धुपाल्चोक जिल्ला क्षेत्र नं २ का प्रतिनिधिसभा सदस्यका उम्मेदवार मोहनबहादुर बस्नेत बैंकको सञ्चालक समिति सदस्य रहेकाले आयोगले साधारणसभा स्थगित गर्न निर्देशन दिएको हो ।

आयोगले सञ्चालक रहेको त्यस बैंकको साधारणसभा आगामी मङ्सिर २ गते काठमाडौँमा सम्पन्न हुने गरी आयोजना गरिएको र मौन अवधि सुरु भइसकेपछि ठूलो सङ्ख्यामा मानिस भेला गराई राजनीतिक प्रभाव पार्ने उद्देश्यले भोजभतेरसमेतको व्यवस्था गर्न लागेको उजुरी परेपछि आयोगले सभा रोक्न निर्देशन दिएको हो ।