काठमाडौं । एभरेष्ट बैंक लिमिटेडको लाभांश सुरक्षित गर्ने आज अन्तिम दिन रहेको छ। बैंकले गत आर्थिक वर्ष ०७८/७९ को लागि प्रस्ताव गरेको १३ प्रतिशत बोनस शेयर र सोको कर प्रयोजनार्थसहित ७.६८ प्रतिशत नगद लाभांश सुरक्षित गर्ने आज अन्तिम दिन रहेको हो । 

प्रस्तावित लाभांश सहित अन्य विविध प्रस्ताव पारितका लागि बैंकले मंसिर २६ गते २८ औँ वार्षिक साधारण सभा डाकेको छ। सो सभा लैनचौर ब्याङ्क्वेट, लैनचौरमा बिहान ११ बजे शुरु हुनेछ।

साधारण सभा तथा लाभांश वितरण प्रयोजनार्थ मंसिर १३ गते अर्थात भोली एकदिनका लागि बैंकले बुकक्लोज गर्ने भएको छ। जसअनुसार आजसम्म कायम शेयरधनीहरुले मात्र बैंकको साधारण सभामा र बैंकले वितरण गर्ने लाभांश प्राप्त गर्न सक्नेछन्।