समिट लघुवित्तले लाभांश दिने

आर्थिकन्यूज
मंगलबार, १० भदौ २०७६

काठमाडौं । समिट लघुवित्त वित्तिय संस्था लिमिटेडले गत आव २०७५/७६ को मुनाफाबाट शेयरधनीहरुको लागि २२ दशमलव २० प्रतिशत लाभांश प्रस्ताव गरेको छ । कम्पनीले २१ दशमलव ०९५२ प्रतिशत बोनस शेयर र कर प्रयोजनको लागि १ दशमलव ११०३ प्रतिशत नगद लाभांश प्रस्ताव गरेको हो ।

कम्पनीको भदौ ९ गते बसेको सञ्चालक समितिको बैठकले उक्त निर्णय हो । प्रस्तावित लाभांश नेपाल राष्ट्र बैंक र आगामी साधारण सभाबाट पारित भएपछि शेयरधनीहरुले प्राप्त गर्न सक्नेछन् । कम्पनीको हाल चुक्तापूँजी २१ करोड रुपैयाँ रहेको छ । प्रस्तावित बोनस शेयर वितरणपछि पूँजी २५ करोड ४३ लाख रुपैयाँ पुग्नेछ ।