नेपाल बैकले एक साथ चार जिल्लामा सेवा विस्तार

आर्थिकन्यूज
बुधबार, ११ भदौ २०७६

काठमाडौं । नेपाल बैकले पाल्पा, गुल्मी, नवलपरासी (पश्चिम) र कास्कीमा एक साथ शाखा, काउन्टर तथा एटीएम आउटलेट विस्तार गरेको छ ।
बैंकले पाल्पा जिल्लाको छहरामा स्थापित शाखा नेपाल राष्ट्र बैंकका गभर्नर डा. चिरन्जीवी नेपाल र नेपाल बैंक सञ्चालकका अध्यक्ष वासुदेव अधिकारीले संयुुक्त रुपमा उद्घाटन गरेका छन् ।
यस्तै पाल्पाको भुसालडाँडास्थित युनाइटेड मिसन हस्पिटल परिसरमा स्थापित नेपाल बैकको एक्सटेन्सन काउन्टर, पोखरा महानगरपालिका वडा नम्बर १५ वन विज्ञान अध्ययन संस्थान परिसरमा स्थापित एक्सटेन्सन काउन्टर र एटीएम स्थापना गरेको छ ।