नेपाल बैंकर्स संघको नयाँ सदस्यमा खालिङ नियुक्त

आर्थिकन्यूज
सोमबार, २६ मंसिर २०७९

काठमाडौं । नेपाल बैंकर्स संघको रिक्त रहेको कार्य समिति सदस्यमा एभरेष्ट बैंकका प्रमुख कार्यकारी अधिकृत सुदेश खालिङलाई नियुक्त गरिएको छ । मेगा बैंकबाट अनुपमा खुँञ्जेली अवकाश भएपछि उक्त स्थानमा खालिङलाई नियुक्त गरिएको हो ।

सदस्यका रुपमा माछापुच्छ्रे बैंकका प्रमुख कार्यकारी सन्तोष कोइराला र नेपाल एसबिआइ बैंकका प्रमुख कार्यकारी अधिकृत दीपकुमार देले निरन्तरता पाउने छन्। संघको विधानले सदस्यले एक कार्यकाल दोहोर्याउन पाउने व्यवस्था गरेको छ।