काठमाडौं । मेरो माइक्रोफाइनान्स लघुवित्त वित्तीय संस्थाले गत आव २०७८÷७९ सम्मको सञ्चित मुनाफाबाट शेयरधनीलाई लाभांश वितरण गर्ने प्रस्ताव गरेको छ । कम्पनीले हाल कायम रहेको चुक्ता पूँजीको कुल २० प्रतिशत लाभांश वितरण गर्ने प्रस्ताव गरेको हो । कुल लाभांश मध्ये १० प्रतिशत बोनस शेयर र १० प्रतिशत नगद लाभांश कर सहित रहेको छ । 

यो प्रस्ताव नेपाल राष्ट्रबैंकबाट स्वीकृती पाएपछि र कम्पनीको आगामी साधारण सभाबाट पारित भएपछि शेयरधनीले पाउनेछन् । कम्पनीको पुस ५ गते बसेको सञ्चालक समितिको बैठकले उक्त लाभांश वितरण गर्ने प्रस्ताव गरेको हो ।कम्पनीले अघिल्लो आवको मुनाफाबाट शेयरधनीलाई २० प्रतिशत बोनस शेयर र १ दशमलव ०५२६ प्रतिशत नगद लाभांश वितरण गरेको थियो । यसरी हेर्दा यस वर्ष कम्पनीले बोनस शेयर भन्दा नगद लाभांशमा जोड दिएको छ ।