काठमाडौं । राष्ट्रिय वाणिज्य बैंकले पुस २८ गते १७औं वार्षिक साधारण सभा बोलाएको छ । बैंकको पुस ६ गतेको सञ्चालक समितिको बैठकले दरबारमार्ग स्थित बैंकको सभाहलमा दिउसो २ बजे सभा गर्ने निर्णय गरेको हो ।

सभाले गत आर्थिक वर्ष ०७८/७९ को वार्षिक प्रतिवेदन सहितका वित्तीय विवरण पारित गर्नुुका साथै चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारणको विषय टुङ्ग्याउनेछ । सर्वसाधारणमा शेयर स्वामित्व नभएको यस बैंकले हाल कायम चुक्तापूँजी रू. १३ अर्ब ९४ करोड ३ लाख ५९ हजारको आधारमा ५ प्रतिशत बोनस शेयर र कर प्रयोजनका लागि समेत ७ दशमलव ५० प्रतिशत नगद लाभांश वितरण गर्ने प्रस्ताव गरेको छ । नेपाल सरकारबाट यस बैंकको शेयर पूँजीमा लगानी बापत प्राप्त रकम रू. १ अर्ब बैंकको जारी पूँजी र चुक्तापूँजीमा थप गर्ने विषय समेत सभामा छलफल हुनेछ ।

स्वतन्त्र सञ्चालकको नियुक्ती सम्बन्धमा सभामा जानकारी गराईने समेत बैंकको भनाई छ । साधारण सभा प्रयोजनका लागि बैंकले पुस १८ गते एक दिन बुक क्लोज गर्ने भएको छ । बुक क्लोजको आधारमा पुस १७ गतेसम्म कायम शेयरधनीहरूले मात्र बैंकको लाभांश प्राप्त गर्न र सभामा भाग लिन पाउनेछन् ।