काठमाडौं । सिन्धु विकास बैंकले यस वर्ष लाभांश वितरण नगर्ने निर्णय गरेको छ । कम्पनीको पुस ७ गतेको सञ्चालक समितिको बैठकले गत आर्थिक वर्ष २०७८/७९ को वार्षिक प्रतिवेदनलाई स्वीकृतिका लागि नेपाल राष्ट्र बैंकमा पेश गर्ने निर्णय गरेको हो । कम्पनीले नेप्से मार्फत जारी सुचनामा कुुनै पनि लाभांश वितरण गर्ने निर्णय नगरेको जानकारी दिएको हो । 

कम्पनीले लगातार तीन आर्थिक वर्ष लगानीकर्ताको हात खाली बनाएको हो । यस अघि आर्थिक वर्ष २०७५÷७६ को मुनाफाबाट कम्पनीले ११ दशमलव ४९ प्रतिशत बोनस शेयर र कर प्रयोजनका लागि शून्य दशमलव ६० प्रतिशत नगद लाभांश दिएको थियो । त्यसपछिका वर्षहरुमा कम्पनीले लाभांश वितरण गरेको छैन् ।