सिवाईसी नेपाल लघुवित्तले प्रस्ताव गर्यो लाभांश

आर्थिकन्यूज
शुक्रबार, ०८ पुस २०७९

काठमाडौं । सिवाईसी नेपाल लघुवित्त वित्तीय संस्था लिमिटेडले गत आर्थिक वर्ष २०७८/७९ को मुनाफाबाट हाल कायम चुक्तापूँजीको आधारमा कुल ३१ दशमलव ५८ प्रतिशत लाभांश वितरणको प्रस्ताव गरेको हो ।

कम्पनीले हाल कायम चुक्तापूँजी रू. १२ करोड १६ लाख ४१ हजारको आधारमा ३० प्रतिशत बोनस शेयर र कर प्रयोजनका लागि १ दशमलव ५८ प्रतिशत नगद लाभांश प्रस्ताव गरेको हो । प्रस्तावित लाभांश नेपाल राष्ट्र बैंकको स्वीकृति पछि कम्पनीको आगामी साधारण सभाले पारित गरेपछि वितरण हुनेछ ।