एनएमबि–५० को इकाई बाँडफाँड

आर्थिकन्यूज
आइतबार, १५ भदौ २०७६

काठमाडौं । एनएमबि म्युचुअल फण्डअन्तर्गत सञ्चालन हुने एनएमबि ५० को इकाई बाँडफाँड भएको छ । फण्डको इकाई भदौ १३ गते (शुक्रवार) बाँडफाँट भएको हो ।
योजनाले साउन १३ गतेदेखि भदौ १० गतेसम्म १२ करोड इकाई जारी गरेकोमा योजनाको इकाईमा माग गरेभन्दा बढी आवेदन परेकाले ५० लाख इकाई थप गरी बिक्री गरेको थियो ।

योजनाले रितपूर्वक आवेदन दिने १२ हजार ६५७ आवेदकलाई १० करोड ६० लाख ४८ हजार ३३० कित्ता इकाई तथा बिजपूँजी बापत १ करोड ८९ लाख ५१ हजार ६७० कित्ता इकाई गरी कुल १२ करोड ५० लाख कित्ता इकाई बाँडफाँट गरेको हो । योजनाको कोष प्रवर्द्धक एनएमबि बैंक तथा व्यवस्थापकमा एाएमबि क्यापिटल लिमिटेड रहको छ ।