काठमाडौं । साल्ट ट्रेडिङ कर्पोरेशन र कर्पोरेट डेभलपमेन्ट बैंकले लाभांश घोषणा गरेका छन् । कम्पनीहरुले गत आर्थिक वर्षको मुनाफाबाट शेयरधनीहरुलाई लाभांश दिने घोषणा गरेका हुन । 

साल्ट ट्रेडिङ कर्पोरेशनको बिहिबार बिहान बसेको सञ्चालक समितिको बैठकले गत आर्थिक वर्षको मुनाफाबाट शेयरधनीहरुलाई १० प्रतिशत बोनस शेयर र ५ प्रतिशत नगद गरी कुल १५ प्रतिशत लाभांश दिने भएको हो । 

त्यस्तै, कर्पोरेट डेभलपमेन्ट बैंकको मंगलबार बसेको सञ्चालक समितिको बैठकले ५.२६ प्रतिशत लाभां दिने घोषणा गरेको छ । बैंकले हाल कायम रहेको चुक्ता पुँजीको ५ प्रतिशतका दरले हुन आउने २ करोड ५० लाख रुपौयँ बराबरको बोनस शेयर र ०.२६ प्रतिशतका दरले हुन आउने १३ लाख १५ हजार ७८९ रुपैयाँ बराबरको करसहितको नगद लाभांश दिने घोषणा गरेको हो ।