कुमारी बैंकको ८ हजारभन्दा बढी कित्ता संस्थापक शेयर विक्रीमा

आर्थिकन्यूज
बुधबार, २२ चैत्र २०७९

काठमाडौं । कुमारी बैंक लिमिटेडको ८ हजार ७१२ कित्ता संस्थापक शेयर विक्रीमा आएको छ । बैंकले प्रेम नारायण शर्माको नाममा रहेको उक्त शेयर विद्यमान संस्थापक शेयरधनीहरूले मात्र खरीद गर्न पाउने गरी विक्रीमा आएको हो ।

यो शेयरको मूल्य विक्रेताले तोके बमोजिम हुने बैंकको भनाई छ । यो शेयर खरीद गर्न इच्छुक विद्यमान संस्थापक शेयरधनीहरूले आगामी ३५ दिनभित्र आवेदन दिनुपर्नेछ । तोकिएको अवधिभित्र विद्यमान संस्थापक शेयरधनीहरूबाट आवेदन प्राप्त नभएमा अन्य व्यक्ति तथा संस्थाहरूमा उक्त शेयर विक्री गरिने जानकारी बैंकले दिएको छ ।