काठमाडौं । महालक्ष्मी विकास बैंक लिमिटेडले यस वर्षको बोसन शेयर वितरण गरेको छ । कम्पनीको पुस २९ गते सम्पन्न २१ औं वार्षिक साधारण सभाबाट पारित ४ प्रतिशत बोनस शेयर धितोपत्र दोस्रो बजारमा सूचीकृत पछि वितरण गरिएको हो । 

चैत ३० गते उक्त बोनस शेयर वापतमा १६ लाख ४ हजार ३५३ दशमलव ३१ कित्ता शेयर सूचीकृत गराएको कम्पनीले सोही दिनदेखि सम्बन्धित शेयरधनीहरूको हितग्राही खातामा बोनस शेयर जम्मा गरिदिएको हो ।

यस अघि कम्पनीले सोही सभाबाट पारित ६ दशमलव ४६ प्रतिशत नगद लाभांश समेत वितरण गरिसकेको छ । २१औं वार्षिक साधारण सभा प्रयोजनका लागि कम्पनीले पुस १८ गते एक दिन बुक क्लोज गरेको थियो । बुक क्लोजको आधारमा पुस १७ गतेसम्म कायम शेयरधनीहरूले मात्र कम्पनीको लाभांश पाएका छन् । कम्पनीको शेयर रजिष्ट्रारमा सिद्धार्थ क्यापिटल लिमिटेड रहेको छ ।