सबैको लघुवित्तका लाभांश प्रस्ताव

आर्थिकन्यूज
मंगलबार, ३१ भदौ २०७६

काठमाडौं । सबैको लघुवित्त वित्तीय संस्थाले गत आर्थिक वर्षको मुनाफाबाट शेयरधनीलाई वितरण गर्ने लाभांश प्रस्ताव गरेको छ । कम्पनीको आइतवार बसेको सञ्चालक समितिको बैंठकले १३ प्रतिशत वोनस शेयर तथा शून्य दशमलव ६८ प्रतिशत नगद लाभांश वितरण गर्ने प्रस्ताव गरेको छ ।

प्रस्तावित लाभांश नेपाल राष्ट्र बैंकको स्वीकृति र कम्पनीको आगामी वार्षिक साधारण सभाले अनुमोदन गरेपछि शेयरधनीहरुले पाउने छन् । कम्पनीले गत बैशाखमा सर्वसाधारणका लागि आईपीओ जारी गरी विक्री गरेको थियो । वोनस वितरणपछि लघुवित्तको चुक्तापूँजी १८ करोड ६४ लाख ५० हजार रुपैयाँ पुग्नेछ ।