कामना सेवा विकास बैंक लिमिटेड (Kamana Sewa Bikas Bank Ltd.) ले तेस्रो त्रैमासमा खुद नाफा २१ करोड २१ लाख रुपैयाँ आर्जन गरेको छ । अघिल्लो वर्षको सोहिअवधिको तुलनाभन्दा ७ दशमलव २ प्रतिशतले नाफा घटेको हो । गत आवको सोहिअवधिमा नाफा २२  करोड ८१ लाख कमाएको थियो ।

२ अर्ब ५० करोड २६ लाख रुपैयाँ चुक्ता पुँजी भएको कामना सेवा विकास बैंकले जगेडाकोषमा १ अर्ब १२ करोड ७१ लाख रुपैयाँ छुटाएको छ । 

बैंकले निक्षेपमा २० अर्ब २७ करोड ५५ लाख रुपैयाँ संकलन गरि कर्जामा १७ अर्ब ९० करोड ४ लाख रुपैयाँ लगानी गरेको छ । 
बैंकको खुद ब्याज आम्दानी २१ दशमलव ७४ प्रतिशत बढेर ५९ करोड ९४ लाख रुपैयाँ पुगेको छ भने संचालन मुनाफा भने २ दशमलव ७ प्रतिशतले घटेर ३३ करोड १४ लाख रुपैयाँ पुगेको छ । 

बैंकको प्रतिशेयर आम्दानी वार्षिक ११ दशमलव ३० रुपैयाँ, मुल्य आम्दानी अनुपात १२ दशमलव ०३ गुणा, प्रतिशेयर नेटवर्थ १४५ दशमलव ०४ रुपैयाँ, तरलता अनुपात २६ दशमलव ४६ प्रतिशत, निष्कृय कर्जा अनुपात १ दशमलव ०७ प्रतिशत र जोखिम युक्त सम्पत्ति १९ दशमलव १५ प्रतिशत रहेको छ ।