सिर्जना फाइनान्सले हकप्रद जारी गर्दै

आर्थिकन्यूज
आइतबार, ०५ असोज २०७६

काठमाडौं । सिर्जना फाइनान्सको ६० प्रतिशत हकप्रद शेयर असोज ५ गतेसम्म कायम सदस्यले मात्र भर्न पाउनेछन् । कम्पनीले हकप्रद प्रयोजनका लागि असोज ६ गते बुक क्लोज गर्ने भएको हो ।
कम्पनीले असोज १७ गतेदेखि कात्तिक २१ गतेसम्म १० बराबर ६ को अनुपातमा २७ लाख ६४ हजार ६९२ कित्ता हकप्रद शेयर बिक्री गर्नेछ । ४६ करोड ७ लाख ८२ हजार चुक्ता पुँजी रहेको यस कम्पनीको ६० प्रतिशत हकप्रदपछि ७३ करोड ७२ लाख ५१ हजार पुग्नेछ । यस हकप्रदलाई इक्रा नेपालले अ ग्रेड ४ रेटिङ प्रदान गरेको छ ।