सरकारले एकैदिन १२ अर्ब ६० करोड आन्तरिक ऋण उठाउँदै

आर्थिकन्यूज
आइतबार, ०७ साउन २०८०

काठमाडौँ । सरकारले एकैदिन १२ अर्ब ६० करोड रुपैयाँ आन्तरिक ऋण उठाउन लागेको छ । साउन ९ गते ट्रेजरी बिलमार्फत केन्द्रीय बैंकले सरकारका लागि सो ऋण रकम उठाउन लागेको हो ।

केन्द्रीय बैंकले पुरानै २८ दिने ट्रेजरीमा ४ अर्ब र ९१ दिने ट्रेजरीमा ८ अर्ब ६० करोड रुपैयाँ नवीकरण गर्ने जानकारी दिएको छ । ट्रेजरी बिल किन्न इच्छुक बैंक तथा वित्तीय संस्थाले साउन ८ गते (सोमबार) दिउँसो ३ बजेसम्म आवेदन दिन सक्ने बैंकले जनाएको छ । ट्रेजरी बिलको बोलकबोल सोमबार नै हुने र नवीकरण साउन ९ गते हुनेछ ।

बैंकले यसअघि नै २८ दिने र ९१ दिने ट्रेजरी बिलबाट १७ अर्ब ७० करोड रुपैयाँ उठाइसकेको छ ।