काठमाडौं । लक्ष्मी बैंकले असोज २३ गतेदखि ऋणपत्र जारी गर्न लागेको छ । सो ऋणपत्रमा छिटोमा असोज २७ गते र ढिलोमा कात्तिक २२ गतेसम्म आवेदन दिन सकिन्छ । 

लक्ष्मी बैंकले १० प्रतिशत ब्याजदरमा २०८६ सम्मको लागि २० लाख कित्ता ऋणपत्र निष्कासन गर्न लागेकोे हो । २० लाखमध्ये बैंकले ८ लाख कित्ता सर्वसाधारणको लागि र १२ लाख कित्ता ऋणपत्र व्यक्तिगत संघसंस्थालाई बिक्री गर्नेछ । विक्री प्रबन्धक नबिल इन्भेष्टमेन्ट एन्ड बैंकिङ्ग लिमिटेड रहेको छ । 

प्रतिऋणपत्र एक हजार रुपैयाँ ले न्युनतम २५ कित्ता र अधिकतम १ लाख कित्तासम्म आवेदन दिन सकिनेछ । बैंकको ऋणपत्रलाई इक्रा नेपाल लिमिटेडले बीबीबी प्लस ग्रेडिङ दिएको छ ।